De hermenie is d’r trots op det ós lid en besjtuurslid Chris van Deur aafgelaope zaoterdag is oetgerope toet prins van de Kwekkerte. Hae geit de vastelaovindj in mit ziene sjpreuk: veur sjlaon door! Es sjlaagwirker is dae spreuk hem natuurlik op ‘t lief gesjreve! Zien broor Sjoerd en ziene vrundj Dominique óngersjteune hem es zien adjudante. Veur winse Chris en zien adjes eine hele sjone en zeker auch muzikale vastelaovindj toe.